Tako ekipin që është pas Freelancer!

Matt Barrie është një sipërmarrës teknolog fitues i shumë çmimeve. Ai është Shef ekzekutiv në Freelancer.com, tregu më i madh në botë i punës së pavarur, që lidh mbi 20 milionë profesionistë nga i gjithë globi, që ka fituar dhjetë çmime "Webby" nga Akademia Ndërkombëtare e Arteve Dixhitale dhe e Shkencave, 'Nderi më i lartë i internetit'.

Freelancer.com lidh para së gjithash biznese të vogla dhe individë nga bota perëndimore me punonjës të pavarur në botën në zhvillim, duke fuqizuar sipërmarrësit në të dyja anët e globit. Freelancer Limited u listua në "Australian Securities Exchange" në vitin 2013 me një kapitalizim tregu prej më shumë se 1 miliardë dollarë.

Matt është edhe Drejtor ekzekutiv i Escrow.com, lideri botëror i pagesave të sigurta online me më shumë se 2,7 miliardë dollarë transaksione të siguruara.

Matt ka qënë zëvendës profesor i asociuar në Departmentin e Inxhinierisë Elektrike dhe të Informacionit në Universitetin e Sidnejt ku ka dhënë kriptografi për pesëmbëdhjetë vite dhe më vonë Krijimin e sipërmarrjes teknologjike. Ai është bashkëautor i mbi 20 aplikimeve për patenta në SHBA.

Matt është një orator i zoti në nivel global dhe është përmendur në SXSW, The Summit Series, Tony Robbins, Next Web, New York Times, Bloomberg TV, Wall Street Journal, TechCrunch, BRW dhe the Economist.

Më parë, ai themeloi dhe ishte Drejtor ekzekutiv i "Sensory Networks Inc.", shitës i procesorëve me performancë të lartë të sigurisë së rrjetit, e cila u shit te "Intel Corporation" në vitin 2013.

Në vitin 2006, ai u nderua me çmimin shtetëror "Pearcey" për kontributin në industrinë e IT&T. Në vitin 2010, ai mori titullin Alumnus i vitit në Fakultetin e Inxhinierisë dhe IT-së në Universitetin e Sidnejt. Në vitin 2011, ai mori titullin Sipërmarrësi përurues BRW i vitit, nga publikimi më prestigjioz i Australisë për biznesin si dhe titullin Ernst & Young Sipërmarrësi i vitit për teknologjinë. Në vitin 2016, ai u nderua me çmimin Libertariani i vitit nga shoqata "Libertarian" e Australisë.

Për pyetje lidhur me aktivitetet e referimit, dërgo email në speaker@freelancer.com

Darren u bë nga Drejtor ekzekutiv dhe Drejtor i përgjithshëm i teknologjisë në Freelancer në Drejtor jo ekzekutiv në fund të vitit 2015. Gjatë kohës që ishte ekzekutiv ai ishte përgjegjës për udhëheqjen e përditshme strategjike të drejtimit operativ dhe teknik të kompanisë.

Darren ka eksperiencё për sigurinё informatike, protokollet, rrjetet dhe softuerёt. Pёrpara se tё vinte nё Freelancer, ai ishte bashkёthemelues i Sensory Networks, njё kompani harduerёsh pёr sigurinё e rrjeteve dhe e mbёshtetur nё kapitale tё rrezikshmёrisё sё lartё, kur ai ishte Drejtor teknologjik e mё pas Drejtor ekzekutiv. Darren, mё parё ka dhёnё mёsim nё Shkenca kompjuterike pranё Universitetit tё Sidnejit, nё kurse tё ndryshme universitare dhe pasuniversitare.

Darren ёshtё autor i shumё artikujve, patentave dhe studimeve nё lidhje me teknologjinё, softuerёt e rrjetet e sigurisё, si edhe ka referuar nё shumё konferenca ndёrkombёtare. Darren ka njё diplomё tё klasit tё parё me nota maksimale nё Shkenca kompjuterike dhe njё Ph.D. tё Universitetit tё Sidnejit, nё Shkenca kompjuterike, ku ёshtё specializuar nё rrjete kompjuterike.

Simon është një investitor themelues i Freelancer. Simon ka më shumë se 17 vjet përvojë në bizneset e teknologjisë me rritje të lartë si në Australi ashtu edhe në Shtetet e Bashkuara. Ekspertiza e tij teknike përfshin aftësi në gjuhë të shumta të zhvillimit të softuerit, kompjuter analiza e sigurisë dhe cenueshmërisë, dhe ai është bashkëautor dhe shpikës i një numri patentash teknologjike.

Duke u fokusuar në softuerin me në qendër konsumatorin dhe teknologjinë e aktivizuar në internet, ai themeloi dhe ishte CEO i WinGuides, i cili më vonë u bë PC Tools. Me Simon si CEO, PC Tools u rrit në mbi 100 milionë dollarë të ardhura, më shumë se 250 punonjës dhe zyra në 7 vende. PC Tools u ble nga Symantec Corporation (NASDAQ:SYMC) në tetor 2008 në një nga blerjet teknologjike më të mëdha ndonjëherë të Australisë në atë kohë. Pas blerjes, Simon u bë Zëvendës President në Symantec, përpara se të largohej në 2009 dhe themelimi i Startive Ventures, një fond sipërmarrës i specializuar në teknologji. Sot, Startive ruan në mënyrë aktive investime në një numër të start-upeve të suksesshëm globalë dhe Simon vepron si drejtor dhe këshilltar i kompanive në mbarë botën.

Patrick është Kryetar dhe CEO i Catcha Group. Që nga themelimi i Catcha Group në 1999, Patrick ka krijuar një histori të gjerë të themelimit, ndërtimit, blerjes, listimit dhe rritjes së bizneseve digjitale në Azinë Juglindore. Sot ai njihet gjerësisht si një nga sipërmarrësit kryesorë në rajon, pasi ka themeluar dhe marrë 6 biznese digjitale nga fazat e tyre të hershme, deri në ofertën publike fillestare në Australi dhe Azinë Juglindore, duke përfshirë iProperty Group - i cili u ble nga REA Group në 2016 duke u bërë një nga blerjet më të mëdha ndonjëherë të një kompanie interneti në Azinë Juglindore në atë kohë; iCar Asia, një operator i tregjeve kryesore të automobilave që u bashkua me Carsome për të krijuar njëbrirëshin e parë Malajzian; dhe Frontier Digital Ventures, një zotërues dhe operator i tregjeve kryesore në internet në tregjet kufitare.

Në Shkurt 2021 Catcha mblodhi 300 milion dollarë për një SPAC të listuar në NYSE duke kërkuar mundësi në tregjet në zhvillim. Në Gusht 2023 SPAC-u njoftoi një marrëveshje bashkimi me Crown LNG.

Patrick është i apasionuar pas shfrytëzimit të ekspertizës sipërmarrëse dhe të tregjeve kapitale të Catcha për të ndihmuar sipërmarrësit e mëdhenj të teknologjisë, dhe ti çojë kompanitë e tyre në tregjet publike.

Ai është njohur në mënyrë të pavarur dhe gjerësisht nga një numër çmimesh ndërkombëtare, duke përfshirë: Udhëheqësi Global i së Nesërmes nga Forumi Ekonomik Botëror; Udhëheqësi i Ri Aziatik nga Forumi Ekonomik Botëror; Sipërmarrësi i Ri i Vitit nga Dhoma Australiane e Tregtisë, Singapor; Sipërmarrësi i Ri më i Mirë Aziatik nga Bloomberg Business; dhe Çmimin Alumni 2021 të Universitetit të Sydney-t për Arritje Ndërkombëtare.

Craig Scroggie është CEO dhe Drejtor Menaxher i NEXTDC, një kompani teknologjike e listuar në ASX 100 dhe ofruesi më inovativ i Qendrës së të Dhënave si shërbim në Azi. Me më shumë se 30 vjet përvojë në industrinë ICT, Craig sjell një pasuri të njohurive dhe ekspertizës në bordin e Freelancer. Gjatë gjithë karrierës së tij, Craig ka mbajtur pozicione të larta me gjigantë të industrisë si Symantec, Veritas Software, Computer Associates, EMC Corporation, dhe Fujitsu.

Nën udhëheqjen e Craig, NEXTDC është bërë një gur i rëndësishëm i ekonomisë digjitale të Australisë, duke siguruar shërbime kritike të për bizneset në të gjithë vendin dhe më gjerë. Ai drejton një ekip ekspertësh në ofrimin e zgjidhjeve thelbësore të energjisë, sigurisë dhe lidhjes për ofruesit globalë të rrjetit Cloud, ndërmarrjet dhe qeverinë në të gjithë rajonin. Ekspertiza e Craig përfshin planifikimin strategjik dhe ekzekutimin në mjediset e teknologjisë me rritje të lartë, operacionet e qendrës së të dhënave, qeverisjen e korporatave, inovacionin dhe qëndrueshmërinë.

Nil Katz është Drejtor i financave në Freelancer dhe është përgjegjës për financat dhe funksionet administrative në kompani. Që kur erdhi në Freelancer në maj të vitit 2009, Nil ka qenë një pjesë e rëndësishme e ekipit menaxhues dhe është marrë me vendosjen e disiplinave financiare dhe kontrollet e brendshme të grupit.

Nil ka mbi 20 vite eksperiencë në financë, kontabilitet dhe menaxhim të përgjithshëm. Nil ka ushtruar funksione drejtimi financiar te një numër i konsiderueshëm kompanish teknologjike përfshirë IPscape, Threatmetrix, Sensory Networks dhe Aptrix. Nil ka eksperiencë dhe ka punuar për gjetjen e fondeve për kompani private apo kompani aksionere, duke përftuar grante qeveritare të shumta, ristrukturim korporatash apo aktivitete tregëtare të shitjes. Në veçanti Nil është marrë me shitjen e kompanisë Aptrix, IBM-së. Në këto funksione të mëherëshme, Nil ka ofruar asistencë financiare për të ndihmuar rritjen dhe zgjerimin e këtyre bizneseve. Nil ka ofruar gjithashtu shërbime konsulence për një numër të konsiderueshëm biznesesh të reja teknologjike në fushat e strategjive komerciale dhe gjetjes së fondeve.

Përpara pozicioneve të mëparshme në sektorin e teknologjisë, Nil ka punuar si financier i lartë në sektorin e shpërndarjes dhe shitjes me pakicë, duke përfshirë eksperiencën te Checkpoint Systems.

Neil ka një diplomë në Tregti, me rezultate maksimale, në Menaxhim financiar nga Universiteti i Kejp Taunit, në Afrikën e Jugut, dhe është anëtar i Institutit të Kontabilistëve të Licensuar të Australisë.

Laurent Goudet është Shefi kryesor i teknologjisë tek Freelancer dhe është përgjegjës për drejtimin teknik të kompanisë, duke siguruar mbivendosjen me qëllimet e saj të biznesit. Para tranzicionit nga Arkitekt programesh në Shef kryesor të teknologjisë në fillim të 2021, Laurent ka drejtuar disa iniciative teknike, duke transformuar strukturat e Web & native clients në aplikacione uebi më miqësore për celularët, më të shpejtë dhe më të besueshëm, duke rritur eksperiencën e përdoruesve dhe duke ulur kostot e inxhinierëve.

Para se të bëhej pjesë e Freelancer në dhjetor të vitit 2013, Laurent punonte si një inxhinier programesh të sistemeve të ngjitura të Linux, duke marrë dijen e niveleve të ulëta të nevojshme për kuptimin e thellë të abstrakteve të programeve të niveleve të larta që ndërtojnë stakun e një aplikacioni modern uebi.

Laurent mban një diplomë të nderit të klasit të parë në Matematikë dhe Shkenca Kompjuterike nga Université de Marne-la-Vallée, Francë, një diplomë Masteri në Inxhinierinë e Sistemeve të Ngjitura nga ESIEE Paris, Francë, dhe studim jashtë shteti në Harvey Mudd College, Claremont, California.

Duke iu bashkuar Freelancer në 2023, Andrew drejton strategjinë dhe zhvillimin e produktit për divizionin tonë të ndërmarrjes. Ai ka mbi dy dekada përvojë si lider në teknologji dhe produkt, së fundmi si bashkëthemelues, CTO dhe Shef i Produkti në tregjet lokale të B2B. Përpara kësaj, Andrew ishte Drejtor Teknik i studios digjitale Future Büro, duke fituar çmime të ndryshme ndërkombëtare, duke përfshirë Luani i Kanës, dhe çmimet Webby dhe D&AD. Andrew ka diplomë Bachelor për Shkencat e Aplikuara (me Stemë) nga Instituti Mbretëror i Teknologjisë në Melbourne.

Ayen Torcuator është Shefja Globale e Përvojës së Klientit në Freelancer.com, ku ajo është përgjegjëse për të siguruar që klientët të marrin shërbime dhe zgjidhje të klasit botëror 24/7.

Ayen është një lider dinamik dhe vizionar që zbaton inovacione dhe strategji të përqendruara te klientët për të përmirësuar kënaqësinë e përdoruesit dhe nxit besnikërinë dhe besimin e klientit. Ajo mbështet me vendosmëri vizionin e Ndryshimit të Jetës dhe merr përgjegjësinë në ndërtimin e ekipeve mbështetëse dhe operacionale të lumtura dhe me performancë të lartë.

Ayen ka një diplomë bachelor në Shkenca Politike nga Universiteti i Filipineve, Diliman dhe ka ka qenë pjesë e kompanisë për më shumë se një dekadë.

Adam Byrnes është përgjegjës për zgjerimin e Freelancer në mbarë botën, veçanërisht në tregje të dominuara nga anglishtfolës jo të gjuhës amtare, si Azia dhe Amerika Latine. Ai drejton ekipe që merren me marrëdhëniet me publikun, materialet e shkruara, marketingun dhe përkthimin, dhe ka qënë përgjegjës për hapjen në shkallë ndërkombëtare të sajteve të Freelancer, përfshirë 40 sajte rajonale të posaçme dhe 31 gjuhë.

Përpara se t'i bashkohej Freelancer, Adam është marrë me kërkime shkencore, si fizikant pranë Universitetit të Sidnejit, në fushën e fotonikës. Gjatë kësaj kohe, ai ka qenë bashkautor i një sëre studimesh akademike të botuara në revistat më të rëndësishme të fizikës, si edhe e ka prezantuar punën e tij në konferencën CLEO në Kaliforni. Adam ka punuar gjithashtu në fushën e teknologjisë informatike për Grupin Mequeri dhe Industritë Alborg.

Adam ka një diplomë të klasit të parë me rezultate të shkëlqyera në Inxhinieri Elektrike e Fizikë të Avancuar nga Universiteti i Sidnejit dhe ka studiuar jashtë shtetit pranë Universitetit të Kalifornisë, Santa Barbara.

Mas Mohamamd ka 20 vite përvojë në sektorët e telekomunikimit dhe IT, duke përfshirë role të rëndësishme në Telstra dhe NBN Co.

Mas është përfshirë në projekte infrastrukturore për ndërtimin e kombit dhe ka udhëhequr iniciativa të mëdha për integrimin e sistemeve.

Me më shumë se 15 vjet ekspertizë në lidership, ai njihet për aftësinë e tij për të nxitur rezultate, për të optimizuar ekipet operative, për të përmirësuar proçeset dhe për të zgjeruar bizneset globalisht për të përmirësuar performancën organizative.

Owen Smith është një ekspert i njohur në çështjet rregullatore dhe menaxhimin e pajtueshmërisë, me ekspertizë gjithëpërfshirëse në kornizat e pajtueshmërisë të zhvilluara në shumë biznese të rregulluara në rajonin e Azi-Paqësorit.

Fushat e fokusit të Owen përfshijnë Luftën Kunder Pastrimit të Parave dhe Financimit të Terrorizmit, parandalimin e mashtrimeve dhe zbatimin e programeve të sigurimit të pajtueshmërisë dhe kontrollit të brendshëm në sektorët financiarë dhe teknologjisë financiare.

Më herët, Owen ka mbajtur pozicione të larta, duke përfshirë Drejtor i Sektorit Ligjor dhe Pajtueshmërisë në Crown Financial Services Group, Drejtor i Pajtueshmërisë Rajonale në CLSA Premium, dhe role udhëheqëse të pajtueshmërisë në Independent Reserve.

Ed Wong sjell përvojë të gjerë në drejtimin e ekipeve me rritje të lartë dhe në zhvillimin e partneriteteve strategjike brenda sektorëve të shitjes me pakicë dhe shumicë.

Gjatë gjashtë viteve të kaluara, Ed shërbeu si Drejtor i Shitjeve në HeroX, një platformë shërbimesh globale që bashkëpunoi me NASA-n për të siguruar kontratën e mbetur NOIS3 (Shërbimet e Hapura Inovative të NASA).

Përvoja e tij e provuar në kultivimin e mmarrëdhënieve me klientët në nivel ndërmarrjeje do të jetë thelbësore në përshpejtimin e zgjerimit të tregut të Freelancer.

Më herët, Ed mbajti role të larta në shitje te Monster dhe Pepsi.

Brent O'Halloran sjell përvojë të shquar në komunikimet strategjike dhe marrëdhëniet me median.

Gjatë qëndrimit të tij 9-vjeçar në Sky News, ai shërbeu në pozicione të shumta, duke përfshirë Korrespodent i Shkencës dhe Teknologjisë, Korrespodent i Azisë dhe Koordinator i Jashtëm.

Ai ka punuar më parë si Shef i Zyrës në Seven News.

Përvoja e tij e punës në 14 vende dhe në angazhimin me palë të interesuara qeveritare, ushtarake, OJF-të dhe ndërmarrjet private, i lejon atij të udhëheqë me besim strategjinë ambicioze të komunikimit global të Freelancer, duke rritur narrativën e markës dhe angazhimin e palëve të interesuara në të gjithë botën.